БЫДСЯМА ДИВӦЫД ЖӦ ОВЛӦ

Кооператив Обсоюзса инструкторъяс — Попов да Флоренскӧй — олісны Кебраын (Сыктыв уездын), неважӧн лун квайт Илля лунӧ комсомолечьяс крестьянаӧс чукӧртлісны да висьтавлісны, мыйла кыссьӧны миян Илля лун кодь праздникъясыс да мый да. А инструкторъяс, налы отсасьӧм пыдди да кооперация йылысь мыйкӧ крестьяналы висьталӧм пыдди, лунтыр зіля вӧлі куртӧмаӧсь поплы. Крестьяна зэв ёна шензьӧны — со пӧ тай велӧдчӧм служакъясыд ёна на ентӧ тӧдӧны да поп дор олӧны, да ӧд ещӧ Обласьтса служакъяс. Тадзтӧ эськӧ оз ков уджавныд да.

Ванька Окопов.