ГРУЗ НОВЛӦДЛАН ПЫЖ ВЫЛӦ ВОТ ПУКТӦМ ЙЫЛЫСЬ

Емва вожса крестьяна (Йӧрӧсдінса да мукӧд) норасьӧны груз новлӧдлан пыжъясысь (ижемка) ыджыд вот перйӧм вылӧ — 15 шайт.

Обласьтса Финанс юкӧд со мый та вылӧ гижӧ:

1. Обисполком 1924 воын ноябр 14-ӧд лунӧ шуис груз новлӧдлан пыжъясысь босьтны вот (видзӧд «Югыд туй» № 235, ноябр 26 лунся 1924 во).

2. Деревняясын вот босьтны медуна 5 шайт гожӧмбыдӧн груз новлӧдлан пыжысь.

«Югыд туй» № 235-ын ӧшыбкаӧн печатайтӧма 5 шайт пыдди 15 шайт.

3. Вот пуктыссьӧ сӧмын сэтшӧм пыж вылӧ, кодӧн сійӧ вонас кыскалісны груз.

4. Волисполком индалӧ, кодлы колӧ вотсӧ мынтыны, да перйӧ сьӧмсӧ.

Сьӧмыс пырӧ вӧлӧсьт бюджетӧ.

5. Вот пуктӧм бӧрын тӧлысся срокӧн позьӧ норасьны волисполком да уездса финанс юкӧд пыр Уисполкомӧ. Норасьӧм Уисполкомысь ылӧ оз мун — сэні шуасны, правильнӧ али абу пуктӧмаӧсь вотсӧ.