ВИДЗ-МУ УДЖАЛӦМ БУРМӦДАМ

Йӧрӧсдінын (Емдін уезд) видз-му уджалӧмын колян во серти эмӧсь уна бурмӧдӧмъяс. Колян во Йӧрӧсдін кык сиктас вӧлі 3 плуг — таво висьталӧны 15 плуг нин. Тулыснас унджыкысь кӧдзтӧдзыс весаліс койдыссӧ. Уна на ещӧ мыйсюрӧ посньыдик бурмӧдӧм вӧчисны уджалӧмас.

Мый лои бурыс таысь: 1) муяс вылысь бырины турун ёг, 2) муяс небзисны, 3) нянь воис зэв тыра.

Крестьяна гӧгӧрвоӧны, тӧдӧны нин донсӧ видз-му уджалӧм бурмӧдӧмлысь, но зэв на сьӧкыд ӧні выль ног уджалӧмтӧ лӧсьӧдлыныд: омӧль урожайяс дай некутшӧм нажӧтка абу крестьяналы, сы вӧсна оз вермыны лӧсьӧдны ставыс бурджык уджалан кӧлуй да мукӧдтор.

Воссьылісны кык «машинаӧн видз-му уджалан тӧварищество». Ӧтиыс бӧр кусі — эз ло уджсӧ кыпӧдысь мортыс. Мӧдыс эськӧ и лӧсьӧдліс кык машина да, мыйкӧ зэв жӧ этша тыдалӧ «ӧтувтчӧмныс».

Кристалл.