ПОЗТЫ ВӦЛӦСЬТЫН (КУЛӦМДІН УЕЗД)

Турунъяс бурӧсь.

Таво гожӧм турун зэв вежӧс да мичаӧс Позтыса крестьяна пуктісны. Сёрнитӧны: тавося кодь турун пуктан поводдя пӧ шоча овлӧ.

Няньяс —

шӧркоддьӧмӧсь: воддза ид кӧдзаыс, вевйӧдӧма жӧ, бӧръя кӧдзаыс воис шӧркоддьӧма. Сю васӧдінъясын зэв чийӧб, бур муяс вылын шӧркоддьӧм жӧ.

Пуктасъяс:

галанка, капуста локтӧны бура, сёйысь гагъясысь норасьӧм абу.

Турун кӧдзӧм.

Школа му вылӧ кӧдзлісны тимофеевка, да ньӧти эз чуж.

«Югыд туй» да «Коми Сикт» газет кр-на ошкӧны.

Крестьяна зэв радейтӧны «Коми Сикт» да «Югыд туй» лыддьӧм. Шуӧны: вель ёна пӧ му-видз уджалӧм йывсьыд гижӧны, дай ас кывнад бура гӧгӧрвоан; колӧ пӧ эськӧ судзӧдны да, дажӧ пӧ ӧд деньгаыд абу.

Худяев.