РАДӦСЬ ГӦРД АРМИЯӦ МУННЫ

Август 26 лунӧ Гриваса исполкомӧ воӧма кабала Гӧрд армияӧ том войтырӧс (1903 воын чужысьясӧс) босьтӧм йылысь. Исполком пырысь-пыр юӧртіс том войтырӧс. Гриваса войтыр тайӧ юӧрсьыд эз важ моз жугыльмыны, а лоины зэв радӧсь: миянӧс пӧ, кайтӧны, корӧны Гӧрд армияӧ видзны Сӧвет власьтӧс. Том войтыр быдӧн лӧсьӧдчӧны мунны служба вылӧ Гӧрд армияӧ: тӧдӧны найӧ, армияын абу нин важ кодь, сэні ӧні оз нин плетьясӧн нӧйтны, а сӧмын старайтчӧны велӧдны да югдӧдны пемыд том войтырӧс. Гриваса войтыр зільӧны быдӧн сюрны Гӧрд армияӧ, пышъялӧм йывсьыд некод оз и думайт. Льготаясысь быдӧн кӧсйӧны ӧткажитчыны: гортын олӧм дорысь пӧ лучшӧ муна армияӧ, сэн пӧ мортӧ воштасны, буртор вылӧ велӧдасны. Оз нин ӧні армияад мунысьясыд лёкысь юны да косясьны.

Гӧрд армияӧ мунысь

Привда Вась.