БУРДӦДІСНЫ

Зось Вась — истан кодь косіник, ичӧт тушаа дядьӧ, прамӧясӧ некӧн, буди, эз и уджавлы. Ытшкысь ни чӧвтысь, тшупсьысь ни потшсьысь сыысь. Висьӧм улӧ лэдзчысьӧма да олӧ. Том дырйиыс пӧ кодкӧ шева сылы сетлӧма. Горзысь шева...

Аддзас, кодкӧ чӧскыдджыка сёйӧ — шеваыс пыр и горӧдас: «Шаньга колӧ, пирӧг колӧ!»

Мужикулов кӧнкӧ сур либӧ вина штоп юӧны — Васьлӧн шеваыс бара горзӧ: «Сур колӧ, вина колӧ!»

И сетыштлӧны. Сэки Зось Васьлӧн шеваыс дугдӧ горзынысӧ.

Як Ӧнь Педӧр морттӧ бурдӧдас. Сур юигӧн, тшук...

«Сур колӧ!» — горзыны кутас Зось Васьлӧн шеваыс, а Як Ӧнь Педӧр сэтчӧ и шуас: «А сӧс вор тэнад шеваыдлы оз ков?»

Сэтысянь пӧ и дугдӧма Зось Васьлӧн шеваыс горзыны. Сьӧлӧмыс, кӧнкӧ, поті.