* * *

Тшыгпырысь, дзескыда, быд лунъя тӧждын олӧны-быдмӧны война ӧзъян восянь батьястӧг кольӧм ичӧтик грездса челядь. Некор лои найӧс лелькуйтнысӧ и шонді петӧмсянь пемдытӧдз колхозын мырсьысь мамъясныслы. Но топыд ёртасьӧмыс, ӧта-мӧд вӧсна кыв кутӧмӧн тӧждысьӧмыс, гортса сьӧкыд уджъяс ӧтвыв бергӧдӧмыс шонді югӧръяс моз вынсьӧдісны пуж улӧ веськавлӧм том петасъяслысь — война биӧн чишкалӧм челядьлысь — вужъяссӧ.