МИЯНЛЫ ВОЙНА ОЗ КОВ

Мордінын (Кулӧмдін уезд) крестьяна собранньӧ вылын (волісны 162 морт) важ война йылысь да озыръяслысь выль война вылӧ лӧсьӧдчӧм йылысь висьталӧм бӧрын шуисны: ми, Мордінса крестьяна, аддзам, мый понда панӧны война ставмувывса озыр йӧз, тӧдам, кыдзи инмӧ войнаыд крестьяналы, сы вӧсна шуам — миянлы ӧні зэв лӧсьыд овныс войнатӧгыс. Мырдӧн кӧ панасны найӧ войнасӧ, ми кужам дорйыны ассьыным Сӧвет власьт дай вӧчам сідз, мед озыръяслӧн кыпӧдӧм войнаыс вӧчас налы жӧ пом.

Ми тӧдам: ставмувывса уджалысь йӧзлы войнаыд миян моз жӧ оз ков. Сідзкӧ ми чуксасям ставмувывса уджалысьлы да крестьяналы: война кӧ воссяс, ті отсаланныд озыръясӧс помавны, ті бергӧданныд косясян кӧлуйтӧ (оружйӧтӧ) асланыд озыр йӧз вылӧ. Ӧні ми тіянӧс чуксалам: чорыдджыка ӧтувтчӧй да энӧ лэдзӧй заводитны бара му пасьталаыс морт вир кисьтны.

Изъюров.