ПРОНЬДОРСА ОТСАЛӦНЫ КӦРТКЕРӦССАЛЫ

Таво «Югыд туй» газетӧ вӧлі гижӧма Кӧрткерӧсысь шерӧн (градом) нянь жугӧдӧм йылысь.

Проньдор вӧлӧсьтувса (Емдін уездын) граждана Кӧрткерӧсса гражданалы отсӧг вылӧ чукӧртӧмаӧсь ас костсьыныс 5 шайт да 80 ур сьӧм. Сьӧмыс тайӧ воис Обласьтувса Видз-му Управленньӧӧ август 29-ӧд лунӧ. Август 31-ӧд лунӧ сійӧ сьӧмсӧ Видз-му Управленньӧ ыстіс Кӧрткерӧсса волисполкомлы отсӧг вылӧ Кӧрткерӧсса гражданалы сетны, мӧда-мӧдлы отсасян комитет пыр.

Колӧ быдӧнлы Проньдорса моз вӧчны!

Обл. Видз-му Управленньӧ.