ИЧӦТИКА ВИДЗ-МУӦН ВӦДИТЧӦМ ЙЫЛЫСЬ

Юалӧм: Кымын во кежлӧ сетсьӧ вӧдитчыны выль муӧн, ачыд кӧ вӧчан вӧрысь, либӧ ёна кӧ бурмӧдан куйӧдӧн, бӧрӧздаӧн да мукӧд ногӧн?

Висьталӧм: Вӧрысь вӧчӧм выль виддзӧн да выль муӧн вӧдитчыны, Обласьтувса Видз-му Управленньӧлӧн лэдзӧм индӧдса (инструкция) 24-ӧд статья серти, срокыс лӧсьӧдсьӧ обществоӧн. Индӧдъяссӧ ыстӧма волисполкомъясӧ. Вермӧ сетсьыны: пустӧшысь да присаднӧй местаясысь вӧчӧминъясӧн вӧдитчыны дас восянь да комын воӧдз; гырысь вӧра да лёк местаясысь вӧчӧминъясын — ветымын воӧдз.

Ёна кӧ бурмӧдӧма выль видз да выль му, либӧ нюрысь косьтӧма, турун кӧдзӧмӧн вӧдитчӧ, общество вермӧ сроксӧ нюжӧдны ещӧ дас восянь дас вит воӧдз вӧдитчыны. Сроксӧ нюжӧдӧм понда колӧ обществолы водзвыв, срокыс тыртӧдз шыӧдчыны.

Юалӧм: Таво тӧв воас оз кыськӧ клевер (бобӧнянь) кӧйдыс локтан тулыс кежлӧ?

Висьталӧм: Обласьтувса видз-му уджалан кӧлуй да машинаяс вузалан складын эмӧсь со кутшӧм турун кӧйдысъяс: клевер краснӧй — 89 п., доныс 24 шайт пуд, чужӧ 80%; вика — 6 пуд, доныс 3 шайт пуд; тимофеевка — 11 пуд, доныс 10 шайт пуд, чужӧ 83%; лисохвост — 9 пуд, доныс 30 шайт пуд.

Куклин.