КРЕСТЬЯНАЛЫ УНА ВӦР СЕТӦНЫ

25.000 десятина.

Одесса. Одесскӧй округын крестьяналы пӧльзуйтчӧм вылӧ сетісны 25000 десятина вӧр. Став вӧрыс округас вӧлі 38.000 десятина.

1.400.000 десятина.

Рытыв-Войвывса (Северо-Западнӧй) обласьтын кӧсйӧны сетны крестьяналы пӧльзуйтчӧм вылӧ 1.400 сюрс десятина вӧр. Ӧнӧдз сетӧма нин 640 сюрс десятина саяс. Новгородскӧй губерняын сетӧма 18 сюрс десятина. Череповецкӧй да Псковскӧй губерняясын сетӧма вӧрсӧ крестьяналы джынсӧ кымын.

450.000 десятина.

Кострома. Губерня пасьтаыс крестьяналы сетӧмаӧсь 450 сюрс десятина вӧр. Ещӧ кӧсйӧны сетны 220 сюрс десятина.