КЫК НЕМТОР ВӦЧӦМ

Кебра вӧлӧсьтын (Сыктыв уездын) эм нянь видзан амбар (магазин). Сэні видзисны таво сю кӧйдыс да мукӧд нянь Обсоюзлысь. Магазин вылас ыджыдыс вӧлі кебраса кооператив. Кӧдзигӧн уна войтыр корисны сэтысь сю кӧйдыссӧ, да Обсоюз эз сет, телеграмма кучкис: «Ог пӧ сет, дай сійӧ кӧйдысӧн пӧ некод оз вермы распоряжайтчыны». Ӧні сійӧ сю кӧйдысыс ставыс пӧ буксьӧма (бакшасьӧма), ӧдвакӧ нин чужас. Тайӧ дзик кык немтор лоис: ӧти-кӧ, уна крестьянинлы колігӧн кӧйдыс эз ло; мӧд-кӧ, Обсоюзлы ӧні сійӧ сюсӧ донтӧм донысь лоӧ вузавны. Мыйла нӧ, збыль, тадзи?

Селькор Окопов.