ПЕДЬ ВИТАЛЬ МОРТӦС КЕРАЛӦ, МИЛИЦИЯ НАЧАЛЬНИК ЛЮБУЙТЧӦ!..

19 лунӧ августын Шожымын косаӧн кераліс Як Сандрӧ Васьӧс важ уполномоченнӧй паракодстволы пес заптӧм вылын Ӧльӧш Педь Виталь. Тайӧ кераліс дзик водзӧс бергӧдӧм вӧсна (месть). Ӧльӧш Педь Витальыс служитігас уна сьӧм крестьяналысь личкыліс (видзӧд «Югыд туй» № 124), а Як Сандрӧ Васьӧ век вӧлі сулалӧ крестьяна дор, тшӧктӧ вӧлі судӧ сетны омӧля уджалӧмсьыс.

Кералігас матын вӧлі Емдінса милицияысь начальникыс, Чукичев ёрт, но нинӧм жӧ эз вӧч, весиг протоколсӧ эз гиж — тыдалӧ, жалитӧ ассьыс другсӧ — Ӧльӧш Педь Витальсӧ.

Ӧльӧш Педь Виталь ещӧ уна вылӧ на доршасьӧ, унаӧс на кералас, оз кӧ кытчӧкӧ нуны.

Татшӧм уджъясысь Ӧльӧш Педь Витальӧс колӧ судӧ сетны, а Чукичев ёртлы оз ков дорйыны важ сватъяссӧ.

Аддзылысь-тӧдысь.