НЫВБАБАЯС ВЫЛӦ ОМӦЛЯ ВИДЗӦДӦНЫ

Айкатыласа исполкомысь шлен Илля Ӧльӧш юль тӧлысьын гижалӧма овмӧссӧ Микунь сиктса Сергей Вась Ӧльӧш гозъялысь, найӧс юкӧм вылӧ. Илля Ӧльӧшыд абу и ставсӧ гижалӧма Сергей Вась Ӧль гӧтыр висьталӧм сертиыд. Ӧні сэсся гӧтырыс челядьӧн йӧзын ветлӧдлӧ, мужикыс частӧ лӧзӧдз нӧйтӧ, оз сет патерасӧ ни, нянь ни, ассьыс вайлӧм новлан кӧлуйсӧ ни (приданнӧйсӧ). Унаысь нин воліс исполкомӧ, да оз лючки сылысь кывзыны. Муыс кольӧма кӧдзтӧм — кӧйдыссӧ абу мужикыс сетӧма. Бабаыд сетӧма эськӧ нин нарсудӧ да волземкомиссияӧ. Сӧмын регыд колӧ вӧчны судсӧ, сэсся водзӧ вылӧ оз ков нывбабаяс вылад тадзтӧ видзӧдны.

Айкатыласа.