ЭМ-АБУ НӦ НАЛЫ ДЕЛӦЫС?

Семуков сиктын гожӧмбыд олӧны Емдінса школа ІІ ст.-ын велӧдчысьяс — Семуковса дяклӧн кык ныв. Весь олӧны, некутшӧм йӧз кост удж дінӧ оз кутчысьны. Комсомол ячейка эськӧ унаысь корліс доклад вӧчны том йӧзлы либӧ крестьяналы, субӧтникын уджавны, спектак сувтӧдны отсавны, да налӧн век ӧти вочакыв вӧлі: «Миянлы сэтчӧдз этша делӧыс».

Мый нӧ ті, Прокушеваяс, тадзи и пондад школатӧ помалӧм бӧрын сиктса уджтӧ нуӧдны? тадзи и кӧсъяд коми йӧзтӧ пемыд гусьыс петкӧдны?

М. С.