КЫДЗИ СЬӦМ АЧЫС РӦДМӦ

Бура олӧ Ласей чожӧ,
Лишнӧй деньга кассайн чӧжӧ:
Нижка вылӧ воӧн — гур — 
Быд шайт вылӧ 8 ур!

(Войдӧр сэтчӧ кӧть и сюйлім,
Прӧчент сӧмын воліс куим;
Ыджыд пӧльза сэсь эз вӧв,
Оз шед вӧлі... гач кок пӧв).

— Мыйта вичмас, — чожӧ шуӧ: — 
Касса нижка вылӧ нуа,
Кор пӧлтинник, кор дзонь шайт,
Ог на ёна гӧльмиг чайт.

Чукӧрмас кор сьӧмыс унджык,
Овмӧс лоас сылӧн бурджык:
Ньӧбас пара вӧв да плуг — 
Няньыс содас уна пуд.

Государстволы тшӧтш отсӧг:
Удждысьны сэк оз мун ортсӧ,
Содны кутас сылӧн вын,
Овны лоас кокньыд джын!

Эм кӧ тэнад сьӧмыд лишка,
Ласей моз жӧ лӧсьӧд нижка;
Сэсся топыдджыка ов — 
Эн видз сьӧмтӧ, кор оз ков!