ВЫЛЬ СМЕНА ЛӦСЬӦДНЫ
Аскисянь став му пасьтала воссьӧ челядьлы отсасян вежон (
Мукӧд государствоясын тайӧ вежоннас кутасны уджалысь йӧзлысь челядьсӧ ӧтувтны пионер организацияясӧ, медым найӧ томсяньныс велаласны вермасьны озыръяскӧд да быдмӧм мыстиыс лоасны батьяснысӧ вежысьясӧн (сменаӧн).
Миян СССР-ын тайӧ вежоныс кутас мунны со мый вылӧ.
1. Выль олӧм водзӧ нуӧдны да вермасьны, сы понда колӧ здоровӧй да ён смена миянлы. Медъёна колӧ тӧждысьны челядь дзоньвидзалун вӧсна.
2. Велӧдчыны быдлаӧ: унатор тӧдмавны, кыдзи бурджыка уджавны да лёккӧд вермасьны. Медым став челядьыс пырасны велӧдчыны.
3. Карса пионеръяс, ӧтвылысь комсомолкӧд да коммунист партиякӧд, отсаласны крестьянскӧй челядьлы велӧдчыны да ӧтвылысь кутасны оласног лӧсьӧдны.
4. Оз ков вунӧдны челядьлы ассьыныс чой-вокъяссӧ мукӧд государствоясысь. Кыдз-мый верманныд, колӧ налы отсавны.
5. Уджалысь йӧз челядьлы став СССР пасьталаысь колӧ пырны пионер армияӧ.
Пионеръяслы колӧ бурджыка уджнысӧ нуӧдны деревняса этша гӧгӧрвоана челядь костын, бурджыка лӧсьӧдны велӧдчӧмсӧ, школаын олӧмсӧ, семья пытшкын уджалӧмсӧ, сиктас асьнысӧ видзӧмсӧ, дай отсавны мукӧд государствоса челядькӧд ӧтувтчыны да налы отсавны.
Комсомоллы да партиялы колӧ: отсавны пионеръяслы, медым найӧ тайӧ уджсӧ бурджыка вермисны сувтӧдны; корсьны сьӧм да туй ёнмӧдны пионеръяслы отрядъяссӧ; тӧждысьны челядьлысь оласногсӧ бурмӧдны да налысь дзоньвидзалунсӧ видзны; кыскыны тайӧ уджас быд организацияясӧс да учрежденньӧясӧс.
Став уджалысь йӧзлы колӧ ӧтвылысь отсавны челядьлы сувтны чорыда кок йылас да лӧсьӧдны наысь бур смена комсомоллы вермасьны буржуйяскӧд.
