ВИДЗӦДЛӦЙ, АБУ-Ӧ КОЗЛОВЛӦН ПЫДӦСТӦМ ЗЕПТЫС?

Отйын (Емдін уездын) общественнӧй лавка правленньӧса шлен Козлов Пант. Степ. Асьсӧ пуктӧ зэв бур мортӧ да зэв бур общественнӧй роботникӧ.

Арталам сылысь «буртор» вӧчӧмъяссӧ: вӧлі «Доброхим» ячейкаын секретарын — ӧкталіс ӧткымын выль шленъяслысь взносъяс, да ӧнӧдз на налы шленскӧй билетъясыс эз волывны, буракӧ, Козлов зептӧ и колины взносъясыс. Сэсся «кружок радиолюбителей» вӧлі восьтӧма — пукталісны бара взносъяс, шайт 15 гӧгӧр, бара Козлов зептӧ воши, тыдалӧ. Март тӧлысьын дасӧн кымын (крестьяна да служащӧй) ӧтвылысь судзӧдлісны «Крестьянскӧй газета», август кольны кутіс, а ӧти газет эз на волы — буракӧ, бара Козлов зептӧ и сійӧ деньгаыс сибдіс.

Коді тӧдӧ — гашкӧ, сійӧ тадз жӧ пондас уджавны общественнӧй лавка правленньӧад да. Колӧ видзӧдлыны!

Зі пи.