КЫДЗИ КАЗНИТІСНЫ НАЙӦС

Варшава. Гибнерӧс, Рутковскӧйӧс да Кневскӧйӧс дорйысьяс (защитники) ветлӧмаӧсь польшаса президент дінӧ корны приговорсӧ судыслысь вежны. Президент дінад найӧс абу и лэдзлӧмаӧсь, шуӧмаӧсь: президентыс пӧ висьӧ.

Нёль час асылын мыжалысьыс (прокурор) локтӧма тюрмаас да висьталӧма Гибнерлы, Рутковскӧйлы да Кневскӧйлы, мый президентыс судлысь приговорсӧ эз веж. Сы бӧрын найӧс нуӧмаӧсь казнитанінас. Туй вылас Гибнерыд, Рутковскӧйыд да Кневскӧйыд пыр сьылӧмаӧсь революционнӧй сьыланкывъяс. Казнитанінас налы лыддьӧмаӧсь бара судыслысь приговорсӧ. Сы бӧрын мӧда-мӧдныскӧд прӧщайтчӧмаӧсь. Лыйлігас синсӧ кӧртавныс некод абу сетӧма. Первой лыйӧм бӧртиыс уси сӧмын Гибнер. Мӧдысь лыйӧм бӧрын кулӧма Кневскӧй. Нёльӧдысь лыйӧмас вӧлисти кулӧма Рутковскӧй. Шойяссӧ рӧдвужыслы некодлысь абу сетӧмаӧсь. Казнитанінсӧ да гуяссӧ налысь видзӧны пӧличейскӧйяс.