МӦСКУАСЯНЬ ПЕКИНӦ ЛЭБӦМ

Мӧскуасянь Пекинӧ (Китайлӧн столича) лэбӧмыс петкӧдліс ставмувывса йӧзлы, мый Сӧветса Республикаяслӧн Союзыс (СССР) оз кольччы мукӧд государствоясысь авиацияысь (сынӧдӧд лэбалан лӧсьӧдӧм удж). Весиг тайӧ лэбӧмыс вылӧ завидь босьтӧма мукӧд государствоса йӧзӧс. Германияса буржуйяс сы йылысь со нин мый шуӧны (гижӧны асланыс газетын): Сӧветса воздушнӧй флотлы пӧ эськӧ тайӧ лэбӧмсӧ не помавны вӧлі, эз кӧ лэбӧмнас нырщикав немеч морт (Шмидт ёртӧс, коді вӧлі руководительыс тайӧ лэбӧмнас, найӧ чайтӧны немечӧн — овыс быттьӧкӧ сылань мунӧ дай). Эськӧ Шмидт ёртыс — рабочӧй пи, чужліс Одессаын дай велӧдчис Россияын. Шмидт ёрт нырщикалӧмӧн миян аэропланъяс лэбисны 52 часӧн 7000 верст кымын.