«КОМИ МОРТ» НИМА ЛЭБАЛАН МАШИНА ЛОАС!

Ме эг кӧсйыв водзджыксӧ лэбавны-а, сэсся бӧрвылас пӧттӧдз лэбалі. Гидроплан миянысь муніс. Гашкӧ сэсся оз и волы, — кӧть и волас — оз дыр ов миянын. Колӧ коми йӧзлы лӧсьӧдны асшӧр лэбалан машина. Вайӧ ставным ӧтвылысь да воддза дорысь чорыдджыка босьтчыламӧй сьӧм чукӧртны «Коми морт» нима лэбалан машина вылӧ!

Ме сета 5 шайт да чуксала отсавны став гражданаӧс, кодъяс качӧдчылісны волан гидроплан вылын, дай кодъяслы окота вӧлі да кыдзкӧ-мыйкӧ эз удайтчы. (Позьӧ, дерт, и меысь унджыкӧн сетны).

Нёбдінса Виттор.

Сьӧм позьӧ вайны (ыстыны, пыртны) редакцияӧ: Вадорвыв улича, керка №41, Коми нига лэдзанін (уліас).