БЫДЛАЫН КОЛӦ БУРА УДЖАВНЫ

Пезмӧгын (Кулӧмдін уездын) таво арнас кӧсйӧны муяс мерайтавны. Исполкомлы колӧ бураджык видзӧдлыны тайӧ удж вылӧ, мед мерайтчигас эськӧ кыдзкӧ бырӧдыштны посни муяс да ылыс муяс. Сэсся колӧ торйӧдны видз-му мӧда-мӧдлы отсасян комитетлы, мед сійӧ му вылас артельӧн уджалӧмӧн позяс чукӧртны кӧйдыс запас. Торйӧдны видз-му колӧ школалы тшӧтш да лыддьысян керкалы выль ногӧн видз-муяс вӧдитӧм вылӧ.

Кооператив уджалӧ омӧля.

Правленньӧас бӧрйӧм йӧзыс оз тӧдны ассьыныс уджсӧ, оз тӧдны, мый вылӧ кооперативъяссӧ лӧсьӧдалӧмаӧсь да кыдз колӧ сылы уджавнысӧ (цели и задачи кооперации). Сэсся колан тӧваръяс унаысь оз овлыны лавкаас, лоӧ лэччывны Кӧрткерӧсса кооперативӧдз. Удж мунӧм йывсьыс правленньӧса шленъяс зэв шоча висьтавлӧны кооперативса шленъяслы. Во пиын вӧчласны отчёт сӧмын кыкысь, учётъяс бӧрти. Тулыснас кӧсйылісны вайны кӧйдыс весалан машина, да сідзи эз и вайлыны, крестьяналы лои кӧдзны весавтӧгыс. Мӧд во кежлӧ колӧ эськӧ вайны таво арсянь нин, вермас бара сідзи кольны.

Кооперативса шлен.