КЫДЗИ ПАСЬКӦДНЫ ДА БУРМӦДНЫ КУРӦГ РӦД^Видзӧд «Коми Сикт» 17-ӧд номерысь статья: «Курӧг видзӧм йылысь»./^
Кыдзи босьтны доход сы помысь
1. Колӧ войдӧр ӧтувтчыны сельскокӧзяйственнӧй кооперативнӧй тӧвариществоӧ. Та йылысь туйдӧдас видз-му удж нуӧданінса (
2. Пӧжны пуктыны колӧ свежӧй колькъяс (медым кык вежонысь дырсяяс эз вӧвны); колькъяс колӧ босьтны медыджыд да медсьӧкыд курӧглысь (сідз жӧ и уткалысь либӧ дзодзӧглысь); медым колькъясыс эз вӧвны вывті том курӧглӧн дай вывті пӧрысьлӧн (позьӧ 2 арӧсаяслысь 4 арӧсаясӧдз).
3. Колӧ курӧглы сетны пӧттӧдзыс гуляйтны да велӧдны пыр позйӧ локны, медым бокӧ эз колькъяв. Дзодзӧгъясӧс колӧ лэдзлыны видзьяс вылӧ, юяс дорӧ; уткаясӧс — туруна прудъясӧ.
4. Рӧд вылӧ кольӧдны колӧ медгырысьяссӧ да медсьӧкыдъяссӧ.
5. Быд лун колӧ вердны курӧгъясӧс (вӧля вылын кокасьӧмысь кындзи) кыкысь: асывводзын — небыд сёянторйӧн, рытын пуксьытӧдзыс — чорыдӧн (идйӧн, зӧрйӧн). Быд курӧглы сутки чӧжӧн колӧ сёянтор сетны 24−29 зӧлӧтник, уткалы — 29−36 зӧлӧтник, дзодзӧглы — 48 зӧл. (пунт джын). Юктавны чистӧй ваӧн.
6. Видзны колӧ шоныдінын, югыдінын, мед эз вӧв пыр мунан тӧв (
Ставсӧ кӧ тадзи кутан вӧчны, бур пӧльза (доход) верман босьтны весиг миян курӧгъясысь. Вочасӧн кӧ бурмӧдны кутан рӧдсӧ, пыр вочасӧн и колькъялӧмыс кутас содны. Миян Россияын ӧти курӧгыд во гӧгӧрнад вайӧ 40 колькйӧдз. А мукӧд государствоясын бурджыка видзӧны да, ёна унджык вайӧны: Америкаын — 131 кольк, Данияын — 127, Ирландияын — 123, Англияын — 113, Францияын — 112, Германияын — 101. Миянын медся этша.
Колькйыс, яйыс, гӧныс ӧні инасьӧны ыджыд донӧн. Ичӧтика кӧ старайтчыштан — доходыд содас 3−4 мында. Уна-ӧ ӧти колькйыс колӧ, позьӧ тӧдны кӧть со мый серти: ӧтик Англияын ӧти лунӧн сёйӧны сизим миллион да джын (7.500.000) кольк, унджыксӧ ньӧбӧны миян Россияысь. Унджык на эськӧ, дерт, нямисны да — абу...
Сӧветса государство миян йӧз государствоясӧ нуӧ вузавны няньысь ӧтдор унатор на сельскӧй кӧзяйствосьыд, тшӧтш курӧг кольктӧ, пӧтка яйтӧ, гӧнтӧ (
Агроном К. Иванов.
