КРЕСТЬЯНИНЛЫ КОЛӦ ТӦДНЫ ЗАКОНЪЯС

Видз-му кӧртымӧн сетӧм йылысь

Видз да му кӧртымӧн (арендаӧ) сетны вермӧ быд кӧзяйство, кор сійӧ оз вермы ачыс уджавны видз-мусӧ: скӧт усьӧм вӧсна, пӧжар вӧсна да мукӧд сэтшӧм приччаяс кузя. Кӧртымӧн позьӧ сетны кӧть став видз-мутӧ, кӧть джынсӧ либӧ этшаджык. Кӧртымасигӧн колӧ вӧчны лӧсьӧдчӧм гижӧдӧн, позьӧ и кывйӧн. Лӧсьӧдчӧмас колӧ кырымӧдны волисполкомса председательӧс да секретарӧс; кывйӧн кӧ лӧсьӧдчан, мед волисполком тӧдны жӧ кутас сійӧ лӧсьӧдчӧмсӧ.

Арендаӧ видз-му сетны позьӧ сы дыра кежлӧ, мый дыраӧн (кымын воӧн) бергӧдчӧ кӧдзаыс. Сыысь дыр кежлӧ арендаӧ видз-му сетны оз позь. Кӧртымалӧм му-видз арендуйтысьыс уджалӧ ас выннас (ас семьянас). Овлывлӧ (Югыд туйын вӧлі гижӧдъяс) и сідзи, кор ӧти морт босьтас видз-мутӧ кӧртымӧн да сійӧ сетас мӧдлы (рочӧн шусьӧ субаренда) джын нянь-турун вылӧ либӧ мӧд ногӧн. Тадзи вӧчны оз позь. Сетысьыс да босьтысьыс вермасны судӧ сюрны. Видз-му закон чукӧр 60-ӧд статья шуӧ сэтшӧмыслысь (мӧд пӧв арендаӧ сетысьлысь дай арендаӧ босьтысьлысь) сійӧ видз-мусӧ босьтны бара жӧ кӧдза гӧгӧр бергӧдчӧм срок кежлӧ, а Уголовнӧй закон чукӧр 136-ӧд статья серти сетысьсӧ да босьтысьсӧ мыждыны.

Тайӧ колӧ тӧдны быд коми крестьянинлы, мед эськӧ эз сюрны видз-мусӧ дзикӧдз мырддьӧм улӧ да мыждыны 136-ӧд статья Уголовнӧй закон чукӧр сертиыс.

Видз-му Управленньӧын уджалысь.