ЮРЫД КӦ ЮӦ, СТАВЫС КОДАЛӦ

ДЕРЕВАННӦЙЫН (Кулӧмдін у.) мӧда-мӧдлы отсасян комитетын юралысяс Гуляев ёрт. Сійӧ удж нуӧдӧм пыдди дугдывтӧг юӧ. Комитетас эм ичӧтика няньтор, сю, ид да сьӧм — чукӧртлісны крестьянаыслысь. Ӧні кодсюрӧ гӧль дӧваяс корӧны сэтысь няньсӧ водзӧсӧн выль нянь вотӧдз, сӧмын юралысьыд оз быдӧнлы сет: коді пӧ самӧкур меным сетас, сылы пӧ и нянь сета — шуӧ. Ме пӧ ӧд Микӧла кодь жӧ: кыдзи колӧ Микӧлалы сись ӧзтыны, сідз жӧ мем колӧ самӧкур ӧзтыны. Локтас ӧти баба ордӧ юралысьыд войнас, гольӧдчӧ кильчӧӧ: лэдз пӧ менӧ ас дінад узьны, аски пӧ няньтӧ мыйта колӧ сета. Сӧмын бабаыд сійӧс абу лэдзӧма: мужик пӧ локтас да колӧкӧ лӧсьӧдас (мужикыс курорт вылын лечитчӧ), ме пӧ тэнад няньтӧг ола.

Тадзи ӧмӧй колӧ уджавны юралысьлы?

Ас морт.