ОМӦЛИК ЮРАЛЫСЬ

Колӧ Колеговӧс топӧдлыны

Кӧкъямыс верст сайын Сыктывдінкарсянь (Льӧм вӧлӧкын) эм инвалидъяслӧн оланін (дом инвалидов). Сэні некор некутшӧм культурнӧй удж эз мунлы. Медым тайӧ уджыс вӧрзяс, сэтчӧ пуктісны выль заведующӧйӧс — Колегов ёртӧс (коммунист, буракӧ, ачыс). Кык тӧлысь саяс нин коли, а некутшӧм культурнӧй удж сы помысь эз на вӧвлы. Пыр на сійӧ сы пыдди мӧдарӧ нуӧдіс. Кык тӧлысьӧн ми сысянь бур кыв эгӧ на кывлӧ. Сэсся тай со мый выйӧдз воис Колегов ёртыд: кык вежон сайын (субӧтаӧ, август 1-ӧд лунӧ) мыйыськӧ скӧрмис да револьверысь лыйис ӧтик комсомолечӧс — Лютоевӧс, пуляыс тшӧка пырыс петіс.

Мый шуан татшӧм заведующӧй йывсьыд? Шогмӧ оз сійӧ сы туйӧ? Дырджык кӧ олас, вермас инвалиднӧй домад уна выль инвалидъясӧс содтыны.

Унитс.