БУРА УДЖАЛӦ РЛКСМ ЯЧЕЙКА

Карвуджӧм сиктын (Сыктыв у.) комсомол ячейка организуйтчыліс 1924 воын май тӧлысьын. Первойсӧ уджыс мунӧ вӧлі зэв омӧля. Ӧні шленыс 15 морт нин. Крестьяна видзӧдӧны ячейка вылӧ зэв бура. Таво шленъяс лӧсьӧдӧны аслыныс оланін дай лыддьысян керка. Керкасӧ сетісны ӧти крестьянкалысь (крестьянкаыс кулі да сы бӧрын олысьыс некод эз коль). Сэтчӧ быд рыт волывлӧны комсомолечьяс да беспартийнӧй том йӧз. Овлывлӧны тшӧкыдакодь субӧтникъяс, отсалӧны гӧль крестьянаыслы, кодъяслӧн уджалысьясыс абуӧсь. Колян тӧв комсомол ячейка уджавліс школаас, да велӧдысьыскӧд, Кармановакӧд, оз вӧлі зэв лӧсявны: мукӧддырйи Кармановаыд собранньӧ вылад вӧлі школаад оз лэдзлы.

Комсомолечьяс ёна кутчысьӧны уджавны комсомол уджӧ.

Крестьянин пи.