ЛӦКЧИМСА ТЕЛЕФОН КОРӦНЫ

Ми, Лӧкчимса, олам бокын, нинӧм огӧ тӧдлӧй. Пошта локтӧм виччысям лун и вой да, поштаыс пыр зэв ёна сёрмӧ.

«Югыд туй» газетын (№ 160) гижӧма: лӧсьӧдӧмаӧсь пӧ Визябӧжӧ, Пезмӧгӧ да Важкуаӧ телефонъяс. Сэтӧні быд лун позьӧ тӧдмавны, кӧн мый вӧчсьӧ, а сэтчӧ ещӧ на лӧсьӧдӧмаӧсь телефонъяс. Лӧкчимсалы вывті ёна колӧ лӧсьӧдны телефонъяссӧ, да асьным огӧ вермӧй. Думнаным эськӧ унатор жӧ вӧчам да. Радио вылӧ сьӧм чукӧртам, сӧмын некод отсавтӧг нинӧм огӧ вермӧй вӧчны.

Миян думысь медвойдӧр колӧ лӧсьӧдны телефонъяс Висер вожӧ да Лӧкчим вожӧ. Тайӧ вожъяссӧ оз ков вунӧдны тӧд вылысь.

А. Изъюров.