РАБОЧӦЙЯСӦС ЛЫЙЛІСНЫ

Пекин. Тяньцзиньын японияса текстильнӧй пабрик вылын рабочӧйяс вӧчисны забастовка. Чжан Цзолиньлӧн представительыс сэтчӧ ыстіс салдатъясӧс. Салдатъясыс заводитісны лыйлыны рабочӧйяссӧ, виисны квайт мортӧс дай унаӧс ранитісны. Рабочӧйяссӧ виалӧм кузя текстильщикъяслӧн профсоюзыс вӧчис митинг. Митинг вывсьыс йӧзсӧ войска бара лыйлігтырйи вӧтлаліс. Лыйсигас виисны кызь мортӧс, зэв унаӧс ранитісны да бура унаӧн вӧйины ваӧ. Арестуйтісны сё саяс рабочӧйясӧс да студентъясӧс. Рабочӧйяс та кузя сёрнитны ыстылісны делегатъясӧс, да найӧӧс ставнысӧ арестуйтісны. Военнӧй власьтъяс Тяньцзиньын мырдӧн тшӧктісны заводитны уджавны грузчикъясӧс.