РАБОЧӦЙЯС ВОЧА СУВТӦНЫ ОМӦЛЬ ЗАКОН ВӦЧӦМЫСЬ

Гырысь демонстрацияяс

Берлин. Заграничаысь пыртӧм нянь вылӧ дон лэптӧм йылысь закон лэдзӧм кузя вӧлі зэв ыджыд демонстрация. Бруннеплац вылӧ (улича нимыс) чукӧртчылісны 20 000 рабочӧй. Пӧлитса виччысьтӧг уськӧдчис демонстрациявывса йӧз вылас да кутіс нӧйтны прикладъяснас да резинӧвӧй нагайкаясӧн. Бӧрвылас кутісны лыйлыны винтовкаяссьыс. Ӧти рабочӧйӧс виисны, унаӧс зэв ёна ранитӧмаӧсь. Войвыв уличаас йӧзыс изъясӧн пӧличейскӧйяссӧ лыйлісны; уна пӧличейскӧйӧс ранитісны. Сэсся демонстрация вылӧ чукӧртчисны Ландсбергерплац вылӧ. Сэтчӧ чукӧрмыліс йӧзыс сюрс дас вит кымын. Пӧлича нагайкаяс да прикладъяс кындзи бара йӧзсӧ лыйліс винтовкаясысь. Арестуйтісны демонстрация вывсьыс морт квайтымын кымын.