ЕЩӦ ӦТИК КОКНЬӦД КРЕСТЬЯНАЛЫ

1918ʼ воӧ ноябр 2 лунӧ Ставроссияса Народнӧй Комиссаръяслӧн Сӧвет лэдзліс декрет. Сійӧ декрет серти вӧлі торйӧдӧма крестьяналысь овмӧс кыпӧдны да выль ног видз-му уджавны заводитысьяслы отсӧг вылӧ да уджӧн сетлыны ӧтик миллиард шайт сьӧм. Отсӧгыс да уджнас сьӧмыс тайӧ декрет серти вӧлі сетсьӧ сэтшӧм кӧзяйствояслы, кодъяс ӧтувтчӧны коммунаӧ, либӧ артельӧ, либӧ тӧвариществоӧ, сідзжӧ сельскӧй обществояслы да группаа кӧзяйствояслы, кор найӧ ӧтув кӧсйӧны уджавны видз-му агроном велӧдӧм серти.

Уна коммунаяс, артельяс, тӧвариществояс, сельскӧй обществояс да группа кӧзяйствояс босьтавлісны государствосянь тайӧ декрет серти отсӧгъяс да удждысьӧмӧн сьӧм, бӧрсӧ мынтыны унаӧн на ӧнӧдз эз вермыны.

Таво апрель 10-ӧд лунӧ Став Сӧвет Союзса Исполнительнӧй Комитет да Народнӧй Комиссаръяслӧн Сӧвет шуисны: 1) Мездыны уджйӧз мынтӧмысь ставнысӧ, коді эз вермы мынтыны уджӧн босьтлӧм сьӧм. 2) Кусӧдны став судӧ сетӧм делӧяс срокӧ уджйӧз мынтытӧм понда, удждӧм сьӧм перйӧм йылысь; судӧн мыждӧм йӧзӧс пукӧданінысь лэдзавны, судлысь вынсялӧм приговоръяссӧ водзӧ не нуӧдны. 3) Кодлӧн уджйӧз мынтӧма, сьӧмӧн либӧ мукӧдторйӧн, сійӧ бӧр уджйӧз мынтысьлы оз косӧдчы (оз бергӧдчы).

С. Д. К.