ПОШТА КУД

Емдін. Дьяконовлы. «Избач, заптысь!» гижӧдыд оз мун; сы вылӧ торйӧдӧма тӧдысь мортӧс, сійӧ чукӧрталӧ нин турунъястӧ.

Ерӧ Семӧ Пашӧлы. «Сиктъясын видз-му ас кост юклӧм понда» статьясьыд нинӧм оз позь гӧгӧрвоны — гиж бурджыка.

Юысь кельчилы. Гижан праздник йылысь, а кӧні вӧлӧма праздникыс — он гиж.

От. Мырсьысьлы. «Крестьянакӧд пыдди поп ставкӧд» гижӧдыд оз мун.

Айкатыла. Гырничлы. Висдінса комсомол ячейка йывсьыд оз мун, тӧдчанаторъяс нинӧм абу.

Ыджыдвидз. Никифоровлы. «Сералысь юралысь» гижӧдыд редакцияӧ эз волы.

Позтыкерӧс. Худяевлы. Анкетаыд редакцияӧ воліс.

От. Мырсьысьлы. Амосов йывсьыд оз мун. Гашкӧ, мукӧд комнатаас пукталӧма школьнӧй пособйӧяс.

Кӧрткерӧс. Газетӧ гижысьлы. «Коми Сикт» дай мукӧд газет миянлысь разӧдӧны сиктъясӧ Коми нига лӧсьӧданінлӧн агентъяс. Газетӧ гижысьяслы, дерт, тшӧтш колӧ зільны, медым унджык крестьяна судзӧдӧ да лыддьӧ газет.

Кӧрткерӧс. Жалолы. Юль 29-ӧд лунся гижӧдъясыд оз мунны: кодыс сёрмис, кодыс нинӧм оз висьтавны (общие фразы).

Йӧрӧсдін. Лучлы. Милиционер йывсьыд оз мун. Колӧкӧ, быть лои сідзсӧ сылы вӧчны да.

Волся. Костинлы. Вочакывйыд Тури гижӧд вылӧ оз мун. Сэні абу тэ йылысь гижӧма, важ избач йылысь.

Волся. Ручлы. Волисполкомад уджалӧм йылысь гижим. Гиж выль пӧв подробнӧя, мыйла мӧда-мӧдлы отсасян комитетлӧн виддзыс веськалі Прокушев киӧ: кӧртымӧн сетісны али мый. Сытӧг сы йылысь газетын оз мун. Пельшӧр йывсьыд оз жӧ мун.

Айкатыла. Варяглы. Гижӧдъясыд оз мунны. Тӧдчытӧмтор гижан.

Позты. Пельлы. «Зептыс дзоньвидза коляс оз» гижӧдыд оз мун. Волисполкомыс кӧ сетас коран удостоверенньӧсӧ, юӧрт, сэки гижам. «Медводдза уджалӧмыд» оз жӧ мун. Гиж стеннӧй газетад.

Волся. Йӧлалы. Газетӧ пырӧм гижӧдъясысь селькоръяслы ми мынтам: ыджыдджык гижӧдысь 65 ур, посниджыкысь 25 ур. сьӧм пыддиыс быд селькорлы ыстам ӧти газет. Сы бӧрти кӧ ещӧ на воӧ сьӧмыс, ми ыстам пошта пыр быд куим тӧлысь пиын.

[...]

Корткерос. Гудыреву. «Важ туйӧ нуысь» оз мун, нинӧм абусӧ гижан.

[...]