ВӦТЛІСНЫ ОШКӦС

Сӧмын ӧтсӧгластӧмла эз вермыны кыйныс

Нёбдінын (Кулӧмдін уездын) Петыр лун гӧгӧр ош косяліс кык мӧскӧс. Сэки жӧ сійӧ ошкыс Шойнатыса крестьяналысь косявліс квайт мӧскӧс дай ӧти вӧв.

Сы бӧрти шойнатыса йӧз зэв унаӧн чукӧртчисны да, коді черӧн, коді пуртӧн мунісны кыйны ошкӧс либӧ вӧтлыны вӧлӧсьт бердысь. Ошкӧс вӧтлӧдлігӧн ёна тшӧтш лыйсисны.

Сӧмын ошкӧс кыйӧмыс эзджык вӧв ӧтсӧгласӧн. Ошкыс вӧлі нин шедӧма кытшӧ, да ӧтсӧгластӧма вӧтлӧдлӧмла вермис сійӧ пышйыны. Водзӧ кежлӧ колӧ артельнад оштӧ кыйны бурджыка нин. Колӧ оштӧ йӧртны кытшӧ, да медым кытшыслӧн эз вӧв костыс.

Мишарин Б. Г.