ГЕРМАНИЯСА РАБОЧӦЙЯСЛӦН ДЕЛЕГАТЪЯС СССР-ын

«Кутам зільны уджалысь йӧзӧс мездӧм понда»

Иваново-Вознесенск. Август 11-ӧд лунӧ вӧлі ӧтувъя заседанньӧ губисполкомлӧн да губпрофсӧветлӧн. Сійӧ заседанньӧ вылас тшӧтш вӧліны германияса делегатъяс. Ӧти делегат, Офенгаген, заседанньӧ вылас шуис: «Россияса рабочӧйяс удж серти ми аддзам, сӧмын ас киас власьт босьтӧмӧн уджалысь йӧз вермасны мездысьны капиталистъяс кипод улысь. СССР видлалӧм бӧрти миян делегатъяс-меньшевикъяс дугдісны нин лоны меньшевикъясӧн. Германияӧ воӧм бӧрын ӧні ми кутам ставным уджавны уджалысь йӧзӧс мездӧм кузя».