НАЛОГ ПУКТӦНЫ УНДЖЫК

Ыбын (Емдін уездын) крестьяна норасьӧны видз-му вылӧ унджык налог пуктӧмысь. Мукӧдыслӧн муыс сӧмын ӧти десятина, а коркӧ важӧн нин видз-му юклігӧн пуктылӧмаӧсь (гижлӧмаӧсь) десятинаӧн-джынйӧн. Сійӧ гижӧм сертиыс и налогсӧ волисполком лыддьӧ. Кольӧм во крестьяна корӧны вӧлі волисполкомӧс сэтшӧм муяссӧ выль пӧв мерайтны, да волисполкомыд кивыль эз кер. Таво мерайтӧм йылысь крестьяна бара жӧ шыасьлісны волисполкомӧ, да сэні удж нуӧдысьясыс бара жӧ эз кӧсйысьны мерайтчыныд, шуӧны: огӧ пӧ эштӧй. Абу ӧд лӧсьыд тадзитӧ уджавны.

Лежнӧг.