ВИЧКО ПРАЗДНИКЪЯС КООПЕРАТИВЛЫ ОЗ КОВ ПРАЗДНУЙТНЫ

Ношульын (Сыктыв уездын) потребительскӧй лавка пӧдса овлывлӧ выльлунъясын. Кутшӧмкӧ праздник кӧ лоӧ сійӧ вежонас — выльлунас тӧргуйтӧ, а праздник лунас пӧдса.

Неважӧн вӧлі праздник — «кос Парась» («ӧкмысӧд пекнича»). Тайӧ «пекнича праздникыд», дерт, пыр овлӧ пекнича лунӧ. Миян ПО сійӧ луннас эз тӧргуйт, лавкасӧ эз и восьтлы. Йӧзыс волісны мукӧд деревняясысь, кӧсйисны мыйсюрӧ ньӧбавны, да лои мунны тӧрговеч Кусков ордӧ.

Лёка уджалӧ татшӧм кооперативыд, вичко праздникъястӧ кӧ (быд «кос праздниктӧ») лыддьӧ да лавкасӧ крестьянаысь пӧдлалӧ.

Жаж-да.