АРТМӦДЧӦНЫ ПОПТӦГ

ГРИВАЫН (Сыктыв уездын) йӧзыд кутісны гӧгӧрвоны поплысь пӧръясьӧмъяс. Сы вӧсна найӧ поп бердад оз нин зэв и шыасьлыны. Неважӧн ӧти вежонӧ куліны кык морт. Найӧс дзебисны поптӧг, комсомолечьяскӧд. Йӧзлы татшӧм дзебӧмыд нимкодь, шуӧны: пӧдлинӧ пӧ тай позьӧ артмӧдчыны поптӧг. Нинӧм пӧ попъяслысь тыртны зепъяссӧ сьӧмӧн кулӧм йӧз вӧсна.

Неважӧн вӧлі октябрина ӧти кагалы. Бать-мамыс кагаыслӧн — велӧдчытӧм йӧз. Кагаыслы пуктісны нимсӧ Роза — Роза Люксембург кузя.

Тайӧ ставыс лои комсомол ячейкаӧн бура удж нуӧдӧм вӧсна. Поплы доходыд этша кутіс воны. Та вӧсна поплӧн лӧгыс ёна петӧ комсомолечьясыд вылӧ. Мед бара, колӧкӧ, лӧгалас. Сійӧн он повзьӧд комсомолечьястӧ.

Привда Вась.