ОШЪЯС АЙКАТЫЛА ВӦЛӦСЬТЫН

Охотникъяслӧн союзыс узьӧ

Шожымын (Айкатыла вӧл., Емдін уезд) эм союз охотникъяслӧн — шленыс морт 60 кымын. Союзыс нинӧм оз вӧч, сӧмын мырсьӧ тӧргуйтны. Рытъяснас чукӧртчыласны мужикъяс, да сӧмын ӧти-мӧд йылысь сёрнитӧны, оз аддзыны, кыдзи-мый эськӧ ошкӧс кыйны.

Август 3-ӧд лунӧ Ичӧт Айкатылаысь кык мӧскӧс ош косялӧма.

Август 4-ӧд лунӧ Шожымсалысь Мулёк Максьӧлысь тыра мӧскӧс косялӧма бара дай, кушӧдз сёйӧма. Йӧзыд веськалӧмаӧсь сэтчӧ да, ошкыд весиг абу и повзьӧма: вожасьӧма мӧс шой вылад да жӧритӧ.

Уна мӧсъясӧс на вермас сёйны, оз кӧ союз окотаыс садьмы дырджык.

Шожымса.