ГӦРБАТӦ СӦМЫН ГОРТ ВЕСЬКӦДАС

Нефедовӧс колӧ чорыдджыка видзны

Сӧвет власьт кыдз-мый вермӧ зільӧ кыпӧдны крестьяналысь овмӧссӧ. Сы вӧсна весиг гожся удж кежлӧ лэдзавлӧ тюрмаын пукалысьясӧс, медым найӧ отсаласны уджавны гортсаыслы.

Отйысь (Емдін уездын) сідз жӧ лэдзлісны тулыснас ӧтик мортӧс — Нефедов Ӧндреянӧс тюрмаысь (пукалӧ мортӧс виӧмысь). Сійӧс, тыдалӧ, тюрмаыд (исправдомыд) ньӧти абу справитӧма, век на сямыс сылӧн важ кодьыс. Илля лунӧ (август 2-ӧд лунӧ) сійӧ юӧма да тышкасьны быдӧн вылӧ кавъясьӧ. Ӧтик том мортӧс бура ёна нӧйтіс кулакнас, сэсся кӧсйис зорйӧн кучкыны, да том мортыд удитіс пышйыны — лёк мортыдкӧд оз кут водзсасьны. Час мысти кымын туй вывті кутіс мунны сійӧ том мортыдлӧн батьыс — Нефедовыд сы вылӧ уськӧдчис.

Татшӧм йӧзсӧ оз ков тюрмасьыс лэдзлыны, оз кӧ кужны асьнысӧ бура кутны. Став олӧмыс Нефедовыдлӧн — тышкасьӧм, косясьӧм, кулиганитӧм. Колӧ чорыдджыка сійӧс видзны.

Петшӧр.