ИЧӦТИКА ВИДЗ-МУӦН ВӦДИТЧӦМ ЙЫЛЫСЬ

Юалӧм. Вермас оз волисполком босьтны кодлыськӧ видз-му да сетны уджавны мӧдлы?

Висьталӧм. Волисполкомъяслӧн некутшӧм права абу босьтавны кутшӧмкӧ кӧзяйствоысь видз-му да сетавны уджавны мӧд кӧзяйстволы. Видз-му закон 51 статья серти, муяс босьтавны вермасны сӧмын крестьяна общӧй собранньӧяс вылын. Собранньӧыслы колӧ вӧчны постановленньӧ му босьтӧм йылысь Видз-му юкӧн 93, 94, 123 статьяяс серти.

Юалӧм. Позьӧ оз ӧти кӧзяйствоысь мӧд кӧзяйствоӧ сетны видз-му пыр уджалӧм вылӧ (в постоянное не арендное пользование)?

Висьталӧм. Оз позь. Видз-муӧн распоряжайтчыны вермӧны сӧмын земельнӧй обществояс, кодъяс вӧчалӧны постановленньӧяс асланыс общӧй собранньӧяс вылын. Видз-му ӧти кӧзяйствоӧн мӧд кӧзяйстволы сетӧм лоӧ пӧдаритӧм либӧ вузалӧм, а сэтшӧмторъяссӧ видз-муӧн оз позь вӧчавны. Видз-му сетысьыслысь (Видз-му зак. чук. 27 ст. Серти), судӧ сійӧс сетӧм кындзи, босьтасны став видз-мусӧ.