ФРАНЦИЯСА, ГЕРМАНИЯСА ДА БЕЛЬГИЯСА ВЕЛӦДЫСЬЯССЯНЬ ДЕЛЕГАЦИЯ ВОИС

ЛЕНИНГРАДӦ локтісны францияса, германияса да бельгияса школаясын велӧдысь союзъяссянь делегатъяс. Ставыс локтіс 38 делегат. Пристань вылас Ленинградын налы паныд петісны уна сюрс ленинградса велӧдысьяс оркестръясӧн, плакатъясӧн. Делегатъяслы школаясын велӧдысь Центральнӧй комитет нимсянь чолӧмбыттьӧ висьталіс Сафонов ёрт. Делегация нимсянь воча кыв висьталіс бельгияса школаын велӧдысь Вандгейм. Сійӧ шуис: матын пӧ нин сійӧ кадыс, кор став Европаас уджалысь йӧз шыбитасны капиталистъясӧс да кутасны мунны Сӧвет Россия туйӧд.

Локтан мӧд лунас делегатъяс тӧдмасисны Ленинградса учрежденньӧясӧн.