КОР МИР ЙЫЛЫСЬ СЁРНИТНЫ ШУИС АБД-ЭЛЬ-КЕРИМ

«Войдӧр рифъясӧс лыддьӧй йӧзӧн»

ПАРИЖ. Агентство «Гавас» юӧртӧм серти, францияса правительствоӧ воис телеграмма Примо-де-Риверасянь (Испаниялӧн Мароккоын командующӧйыс). Примо-де-Ривера гижӧ: ме ордӧ пӧ воліс Абд-Эль-Керимсянь морт да висьталіс: Абд-Эль-Керим пӧ кутас сёрнитны францияса правительствокӧд миритчӧм йылысь сӧмын сэки, водзвыв кӧ францияса правительствоыс кӧсйысяс рифъясӧс лыддьыны независимӧй (асланыс власьтӧн олысь) йӧзӧн.