«ТОЛЧОК МОЗГАМ»

Колӧ комсомолечьяссӧ асьнысӧ толкайтны

Гриваса (Сыктыв уездын) ячейка РЛКСМ лӧсьӧдӧ стенӧ ӧшӧдан газет. Газетыслӧн нимыс «Толчок мозгам» — роч нима; комиӧн «ЮР ВЕМЪЯС ТОЙЛАЛӦМ». Медводдза номерсӧ кӧсйисны лэдзны гожӧмнас — Петыр лун кежлӧ. Коли нин Илля лун, регыд воас шӧр спас лун — «Толчок мозгам» век на оз ӧшав. Гриваса зэв ёна виччысьӧны:

— Кор нин нӧ ӧшӧдасны газетсӧ да толкайтасны миянлысь юр вемъяснымӧс? — юаласны.

— Регыд нин, регыд. Газетсӧ гижӧма нин, толькӧ ӧшӧдтӧм на-а...

Збыль вӧлӧма сідзи. Статьяяссӧ гижлӧмаӧсь Петыр лун кежлӧ на. Ӧні висьталӧны, Илля лун дырся пӧ статьяясыс. Сійӧ газетас жӧ гижӧмаӧсь ӧтик октябрина йылысь. Октябринаыс вӧлі май 1-ӧд лунӧ. Кагаыс тайӧ лунъясӧ коркӧ кулӧма нин.

Тадзи, Гриваса комсомолечьяс, оз ков уджавны.

Ок ті.