ЭНОВТӦМАӦСЬ ПӦРЫСЬ МОРТӦС

Сорма сиктын (Выльгорт в., Сыктыв у.) олӧ пиыс керкаын Кузиванова Сусанна Иллишна. Сылы 90 арӧс нин. Пӧрысьысла да висьӧм вӧснаыс во саяс нин чеччывтӧг куйлӧ. Пиыс овмӧдчӧма кытӧнкӧ вӧрын, важ гортас оз и волывлы. Кузивановасӧ видзӧм кузя олӧ 16 арӧса ныв — внучкаыс. Видзӧны Кузивановаӧс зэв омӧля: пывсянӧ некор оз нулыны, вывсьыс паськӧмсӧ оз жӧ вежлыны, ставыс нин тырӧма тойӧн. Кокыс висьӧ, сӧмын некыдзи оз лечитны. Сёйӧ эськӧ Кузивановаыд бура да, сӧмын оз прамӧя вердлыны. Позьӧ чайтны — быттьӧ сылӧн некутшӧм рӧдвуж абу, а видзӧдлан кӧ, кык пи кындзи, Выльгортас олӧны зэв бура квайт ныв внукъяс дай правнукъяс.

Колӧ жӧ эськӧ бурджыка видзны пӧрысь морттӧ да.

В. П. Булышев.