ИНВАЛИДЪЯСЛӦН 5240 АРТЕЛЬ

Мӧскуа. РСФСР пасьта инвалидъясӧс артельясӧ да тӧвариществоясӧ ӧтувтӧм удж пыр ӧтарӧ паськалӧ. Январ 1-ӧд лун кежлӧ 1924 воын став ӧтувтӧм артельясӧ да тӧвариществоясӧ инвалидъяс вӧліны сӧмын на 18.500 морт; таво январ тӧлысьын вӧлі ӧтувтӧма 51.000 инвалид нин. Ӧні став ӧтувтӧм инвалид РСФСР да Украина пасьта лыддьыссьӧ 64.179 морт. Найӧ ӧтувтчӧмаӧсь 5240 артельӧ да тӧвариществоӧ. Вермытӧмъяслы отсалан Комиссариат (НКСО) ӧні сиктъясын нуӧдӧ учёт инвалидъяслы, кӧсйӧ найӧс ставсӧ ӧтувтны артельясӧ. Сэсся сійӧ зільӧ кыскыны сиктса инвалидъясӧс велӧдчыны техникумъясӧ.