ЦК РКП ШУИС СӦВЕТСА УДЖ ВЫЛӦ УНДЖЫК КРЕСТЬЯНАӦС ТОРЙӦДНЫ

Россияса Коммунист партиялӧн Центральнӧй Комитетыс шуис ёнджыка местаяс вылын (деревняясын) паськӧдны удж крестьянаӧс сӧветса удж вылӧ торйӧдӧм (выдвижение) йылысь. Крестьяналы аслыныс колӧ индыны водзмӧстчысьджык йӧзсӧ ас костсьыныс, партийнӧй организацияяслы налы колӧ быд ногӧн отсавны. Сӧветса удж вылӧ торйӧдӧм йӧзлы оз ков орӧдчыны асланыс крестьянаысь, пыр колӧ видзны топыд кутӧд (связь). Крестьянаӧс медвойдӧр колӧ торйӧдны (ыстыны) сэтшӧм учрежденньӧясӧ, кодъяс медъёна инмӧны (соприкасаются) деревня бердӧ: видз-му удж нуӧданінъясӧ, страхӧвӧй уджъясӧ, мукӧдлаӧ. Центральнӧй комитет РКП-лӧн торъя ёна шуӧ индыны тайӧ уджас крестьянаӧс да крестьянкаясӧс национальнӧй (ас сёрниа йӧзкостса) республикаясын да обласьтъясын.