КЫВНАНЫС ПЫР ЛӦСЬӦДЧӦНЫ СССР-кӧд

Асьныс падмӧдӧны — СССР-ӧс мыждӧны

ЛОНДОН. Палата заседанньӧ вылын рабочӧй партияысь шлен Понсонби ёна кулитіс англияса правительстволысь СССР-кӧд удж нуӧдӧмсӧ. Понсонби шуис: англияса правительство пӧ аслас татшӧм уджнас сӧмын ёнджыка ӧтувтӧ россияса да азияса йӧзӧс, сувтӧдӧ пӧ аслыс паныд став китайса йӧзсӧ. Вочакыв Понсонбилы висьталіс мукӧд государство кост удж нуӧдысь министрлӧн отсасьысьыс Макнейль. Сійӧ шуис: англияса правительство пӧ гӧгӧрвоӧ СССР-кӧд вузасьӧмысь бурлунсӧ. СССР-кӧд вузасьӧм паськӧдӧмлы паныд англияса правительство пӧ ньӧти эз сувт, сэтысь пӧ мыжа сӧмын Сӧветса правительство, кутӧ пӧ аслас киас сійӧ став мукӧд государствояс кост вузасян уджсӧ да. Помас Макнейль шуис: Сӧвет правительство кӧ пӧ кутас сёрнитны Англиякӧд вузасьӧм паськӧдӧм йылысь, англияса правительство пӧ паныд оз мун, кыдз-мый вермас пӧ зіляс бура лӧсьӧдны вузасян удж.