ПОШТА КУД

Важкуа. Том ленинечлы. «Бур учительыд» оз мун. Вӧлӧма делӧыс ноябрын колян воӧ, тэ гижан ӧні — ӧкмыс тӧлысь мысти. Сэки и колі гижныс.

Дон. Пармазонлы. Мый шогмис — печатайтім. Поп горшлун йывсьыд да юӧм йывсьыд нинӧм гижны. Быдӧн ӧд нин тӧдӧны сійӧ.

Кӧрткерӧс. Жалолы. Нардом йывсьыд оз мун. Нинӧм коланторйыс. Гиж кузьджыка кӧдзаяс йывсьыд.

Прожекторлы. Судыд аддзас, коді мыжа.

Лютоевлы. Нинӧм оз позь гӧгӧрвоны, мичаджыка гиж, эн тэрмась.

Паджгаӧ — Лэбачлы. Милиционер йывсьыд ыстім обмилицияӧ.

Зеленечӧ — Избачлы. Быд лыддьысян керкаын уджалӧ ӧти морт. Вочакывйыд оз мун, гиж, кутшӧма волывлӧны йӧзыс да мый вӧчанныд.

Гриваӧ. — Оз да мырпомлы. «Дурысь комсомолеч» оз мун.

Зеленеч. Ньӧвлы. «Папирос вылӧ туй сетысьыд» — зэв нин ичӧтиктор.

Айкатыла. Делегаткалы. «Сідзи-ӧ колӧ»-тӧ ыстім поштӧвӧй контораӧ.

Емдінӧ. Ветлысьлы. Гидропланыд оз мун. Сійӧ воас, сӧмын сёрмыштіс индӧм кадысь.

Сёська. Пармалы. «Пемыдлун коми бабаяслӧн» оз мун.

Позты. Д. Вывеска йывсьыд оз мун. Нинӧм абусӧ жӧ нин гижан да. Сійӧ ӧд аслыныд позьӧ жӧ лӧсьӧдны. Гиж водзӧ, виччысям.

Грива. Ежлы. Вочакывйыд Гриваса лавӧшник йывсьыд оз мун.

От. Козловлы. «Аттӧ, кутшӧм прокуратура» статьяыд оз мун. Тэ весьшӧрӧ шуасян. Делӧыс Обсудын да, кадыс воас да, кутас видлассьыны.