БУРДЖЫКА УДЖАЛӦЙ, КОМСОМОЛЕЧЬЯС!

Выльгортса (Сыктыв уездын) комсомол чукӧр омӧля уджалӧ. Мыйкӧ кӧ вӧчласны — крестьяналы оз и висьтавны; коран кӧ кутшӧмкӧ справка — шуасны: абу пӧ гижӧма. Собранньӧ вылын шулісны отсавны ытшкыны ӧти гӧлиник нывбабалы — эз ытшкыны. Сы вылӧ вӧлі торйӧдӧмаӧсь кык Оплеснинӧс да Худяевӧс — куим мортӧс, да эз волыны, сӧмын пӧръялісны. Сэсся кывсьӧ: быттьӧкӧ пӧ мырддьӧмаӧсь ӧти бабалысь самӧкур да асьныс юӧмаӧсь.

Колӧ веськӧдны Выльгортса комсомолечьяслысь уджсӧ, пуктыны прамӧйджык туйдысь-индалысьӧс.

Воысь ёрт.