ВОЛИСПОЛКОМ, МЫЙ НӦ КЕРСЯН?

Колӧ уджавны. Тіян весиг сельхозналог йывсьыд на нинӧм абу вӧчӧма.

ВОЛСЯ (Сыктыв уездын) волисполкомын уджалысьяс ас костаныс отпускъяс пыдди гожӧм кежлӧ лӧсьӧдӧмаӧсь волисполкомас дежуритӧмъяс. Сӧмын луннас некод волисполкомын оз овлывлы. Суас кӧ кутшӧмкӧ мог крестьянинӧс волисполкомӧ, нинӧм оз и вермыв корсьны. Дежурнӧйыс сӧмын рытас волас волисполкомад. Сы вӧсна весиг ӧти крестьянин на оз тӧд, мыйта сы вылӧ таво воас сельхозналог, весиг абу на гижӧма поселеннӧй списокъяс.

Ме ногӧн кӧ, колӧ дежуритӧм пыдди волисполкомса уджалысьяслы лӧсьӧдны переменаӧн отпускъяс, кыдзи быдлаын лӧсьӧдӧма. Абу лӧсьыд волисполкомад ӧшӧдны лун-лун кежлӧ томан.

Руч.